ASCS hópurinn ásamt samstarfsaðilum fékk nýlega styrk frá Norrænu nýsköpunarmiðstöðinni í verkefnið InTerAct (Industry Acedemia Interaction in the Marine Sector) til að vinna að tengingu háskólanáms við virðiskeðju sjávar – og eldisafurða. Verkefnið var kynnt ásamt 15 öðrum verkefnum í Nordic Marine Innovation áætluninni í Oslo í lok janúar.
Norræna meistaranáminu AQFood Aquatic Food Production – Quality and Safety sem er samstarf 5 norrænna háskóla var formlega ýtt úr vör með kynningu og móttöku hjá DTU í desember 2011 og fjallað var um viðburðinn í Eurofish tímaritinu. AQFood er þverfræðilegt masters nám um virðiskeðju eldis og sjávarafurða fyrir nemendur með BS raunvísinda eða verkfræði grunn og lögð er áhersla á samstarf nemenda við fyrirtæki úr sjávarútvegi og tengdum greinum.
Námið er vistað undir Iðnaðarverkfræði-, vélaverkfræði- og tölvunarfræðideild hjá HÍ og er samsarf DTU í Danmörku, UMB í Ási í Noregi, NTNU í Þrándheimi í Noregi, SLU í Uppsölum í Svíþjóð ásamt Háskóla Íslands. Nemendur munu útskrifast með tvöfalda masters gráðu frá tveimur af samstarfsskólunum.
Í boði eru 3 námsleiðir : i) Frumframleiðsla, veiðar og eldi; ii) Náttúrulegar auðlindir; iii) Iðnaðarframleiðsla
Norræna ráðherranefndin veitti styrk til að koma á fót samstarfi háskólanna. Námið mun hefjast haustið 2012, en frestur fyrir nemendur til að sækja um var 15. febrúar. Næst verður opið fyrir umsóknir fyrir haustið 2013.