Category: SENSE project

SENSE verkefnið var kynnt á velheppnaðri Vísindavöku sem haldin var laugardaginn 25. október. Sjá veggspjald hér

Árleg ráðstefna EAS Aquaculture Europe 2014 var haldin í Donastia – San Sebastian á Spáni dagana 14- 17 október.   SENSE verkefnið var þar kynnt bæði sem veggspjald og erindi, sem  Guðrún Ólafsdóttur frá ASCS hópnum við HÍ stóð að ásamt AZTI á Spáni og DTU í Danmörku, en einnig tekur EFLA verkfræðistofa ásamt Fjarðalaxi þátt í verkefninu.

Fiskeldi er ört vaxandi í heiminum í dag og mikil áhersla er á sjálbærni.  Mat á umhverfisáhrifum með vistferilgreiningum er sífellt að verða algengara. Evrópusambandið hefur mælt með samræmdum aðferðum þar sem horft er til heildar lífsferils vöru, en SENSE hugbúnaðurinn auðveldar einmitt fyrirtækjum að framkvæma sjálf slíkt umhverfismat. Kynningin á verkefninu fékk góðar undirtektir ráðstefnugesta  sjá veggspjald.

SENSE Verkefnið  “HarmoniSed Environmental Sustainability in the European food and drink chain” er styrkt af Evrópusambandinu á tímabilinu 2012-2015.  Markmið verkefnisins er að þróa samræmt kerfi við mat á umhverfisáhrifum matvælaframleiðslu, sem þar að auki tekur tillit til félagslegra þátta. Rannsóknarhópur í hagnýtum vöruferlum við Háskóla Íslands og EFLA verkfræðistofa hafa tekið þátt í þróun SENSE hugbúnaðarins og sannprófun á honum fyrir fiskeldi ásamt Fjarðalaxi.  Á opnum fundi þann 29. sept verða kynntar fyrstu niðurstöður um prófun á hugbúnaðinum fyrir fiskeldi sjá kynningu: SENSE-kynning-29 sept 2014

Opinn fundur með hagsmunaaðilum í fiskeldi verður haldinn á vegum Rannsóknarhóps í hagnýtum vöruferlum (ASCS) við Háskóla Íslands og EFLU verkfræðistofu á Radisson Blu Saga Hotel Reykjavík, þann 29. september kl. 12:00-17:00 (SENSE fundur dagskrá). Kynntar verða niðurstöður prófana á SENSE hugbúnaði til að meta umhverfisáhrif og notagildi hans fyrir fiskeldisafurðir.  Allir eru velkomnir og er aðgangur ókeypis.

       www.senseproject.eu

ASCS hópurinn tekur þátt í Evrópuverkefninu Harmonised Environmental Sustainability in the European Food and Drink Chain ásamt 23 samstarfsaðilum frá háskólum, rannsóknastofnunum, ráðgjafafyrirtækjum, matvælaframleiðslufyrirtækjum og hagsmunasamtökum.

Hlutverk ASCS er að koma að þróun á  hugbúnaði og samræmdri aðferðafræði byggð á vistferilgreiningum til að meta  umhverfisáhrif matvæla og stýra vinnupakka um innleiðingu á afurðum verkefnisins hjá fyrirtækjum í virðiskeðju matvæla.

Í verkefninu verða metin umhverfisáhrif mismunandi matvælaframleiðslukeðja, allt frá fóðri fyrir eldi í Noregi og flutning á ferskum laxi til frekari vinnslu í Frakklandi, fóðrun á búfé, kjöt og mjólkurframleiðsla í Rúmeníu, auk þess sem umhverfisáhrif ræktunar á appelsínum á Suður Spáni og framleiðslu á djús til dreifingar í austur Evrópu verða skoðuð. Þó megináhersla verði á umhverfisþætti er einnig markmiðið að meta hagræna og félagslega þætti sjálfbærrar framleiðslu.

Verkefnið er til þriggja ára og fyrsti fundurinn var haldinn dagana 22. – 23. febrúar hjá AZTI stofnuninni á Spáni.  Íslenskir þátttakendur auk Háskóla Íslands er EFLA verkfræðistofa.

Nýsköpunarverðlaun forseta Íslands eru árlega veitt þeim námsmönnum sem hafa unnið framúrskarandi starf við úrlausn verkefnis sem styrkt er af Nýsköpunarsjóði námsmanna. Undanfarin ár hafa 4-6 verkefni verið tilnefnd til verðlaunanna og hlotið sérstaka viðurkenningu, en aðeins eitt verkefni hlotið sjálf forsetaverðlaunin.

Í ár er búið að tilnefna verkefni til verðlaunanna, sem afhent verða í mars 2011. Ein þessara tilnefninga er verkefni Gyðu Mjallar Ingólfsdóttur en hún vann að verkefni sínu “Hagnýting umhverfisgilda fyrir sjávarafurðir” í samstarfi með ASCS og verkfræðistofunni Eflu.

Markmið verkefnisins var að reikna með aðferðafræði vistferilsgreiningar (e. Life Cycle Assessment) kolefnisspor fyrir flutningaferil kældra sjávarafurða frá Íslandi á markað í Evrópu. Flutningar með skipi og flugvél voru skoðaðir og bornir saman. Einnig var framkvæmd skoðanakönnun um umhverfisvitund hagsmunaaðila í sjávarútvegi.

Skýrslan er aðgengileg hér.